A Saúde Mental i os equipos de continuidade

Saúde Mental

As necesidades relacionadas coa saúde mental aténdense a través de dispositivos específicos e programas que inclúen a todas as idades, desde os maiores -atención psicoxeriátrica- ata a poboación infantil.

As persoas que requiran atención especializada ambulatoria en saúde mental accederán aos servizos nun período inferior a 30 días; e, no caso da demanda preferente, antes dos 15 días.

As estruturas básicas de saúde mental están formadas por psiquiatras e psicólogos clínicos que apoian aos equipos de Atención Primaria e coordinan a atención do paciente nos distintos niveis asistenciais en saúde mental e os servizos xerais.

A atención urxente realízase en colaboración coa Fundación Urxencias Sanitarias de Galicia-061 e os Puntos de Atención Continuada de Atención Primaria.O ámbito da saúde mental dispón de programas de prevención, asistencia, rehabilitación, formación e investigación. A oferta asistencial en saúde mental comprende as seguintes modalidades

Equipos de continuidade de coidados en todas as áreas sanitarias ofrecen un programa de alta intensidade de atención a domicilio para aqueles pacientes que o requiran.

Programa ambulatorio específico dirixido a persoas con diagnóstico de trastorno mental severo.

Programas residenciais e de rehabilitación e equipos de continuidade, dedicados a garantir que o paciente manteña o tratamento.

Cobertura das urxencias psiquiátricas hospitalarias as 24 horas ao día e durante todo o ano en todas as áreas, mediante protocolos especializados, o cal inclúe intervención en crise en medios extrahospitalarios, a domicilio en colaboración co 061 e hospitalaria.

Os servizos ofértanse a través de Centros de saúde mental para adultos, infantís e xuvenís, prazas extrahospitalarias (pisos protexidos, vivendas de transición, unidades residenciais, prazas residenciais, centros de rehabilitación e reinserción psicosocial y laboral), Hospitais de día de saúde mental, unidades de hospitalización (adultos, xeriátricas, infanto-xuvenís ,e servizos de urxencia, 061.

A atención da saúde metal realizase mediante equipos de psiquiatras, psicólogos clínicos e enfermeiras especializadas en saúde mental, coa participación do movemento asociativo e do voluntariado.